0
0
|
Getting your Trinity Audio player ready...
|
विशेष वृत्त अजय शिंगे
कोल्हापूर : Veer Savarkar : The man who could have prevented Partition या उदय माहूरकर लिखित इंग्लिश पुस्तकाचा मराठीत अनुवाद डॉ. उदय निरगुडकर यांनी केला आहे. वीर सावरकर हे पुस्तक वाचकांना, अभ्यासकांना मराठीत उपलब्ध झाले आहे.
या पुस्तकाचा अनावरणाचा कार्यक्रम नुकताच शाहू स्मारक भवन, कोल्हापूर येथे पार पडला. लोक उत्कर्ष समिती व हिंदू व्यासपीठ यांच्या दरवर्षी आयोजित केल्या जाणाऱ्या डॉ. हेडगेवार व्याख्यानमालेत या पुस्तकाचे डॉ. उदय निरगुडकर यांच्या हस्ते अनावरण करण्यात आले.
यावेळी कोल्हापुरातील सावरकरप्रेमी आणि अभ्यासक, उद्योजक श्रीकांत पोतनीस,उद्योजक विद्यानंद देवधर, संपादक सुशील कुलकर्णी, उदय सांगावंडेकर आणि समाजातील विविध क्षेत्रातील श्रोते आणि पत्रकार मोठ्या संख्येने उपस्थित होते. हे पुस्तक सभागृहाबाहेर विक्रीसाठी उपलब्ध होते. आणलेली सर्वच पुस्तके विक्री झाली.
यावेळी बोलताना डॉ. निरगुडकर म्हणाले कोल्हापूरमध्ये या पुस्तकांचे अनावरण होणे हे अत्यंत मोलाचे आहे आणि सावरकर समजून घ्यायचे असतील तर हे पुस्तक वाचलेच पाहिजे, एका अर्थाने सावरकरांचे युग सुरु झाले आहे. मृत्यू नंतर आज समाजाला त्यांच्या विचारांचे महत्व समजत आहे. आणि देशाला पुढे न्यायचे असेल तर हेच विचार मार्गदर्शक ठरतील असेही ते म्हणाले.
