0
0
|
Getting your Trinity Audio player ready...
|
Media Control News
मुंबई : कामगार कायदे आणि खासगीकरणाला कडाडून विरोध करण्यासाठी उद्या सोमवारी २८ मार्च आणि मंगळवारी २९ मार्च रोजी एआयबीईए व एआयबीओए या संघटनांचे देशभरातील पाच लाखावर सभासद कर्मचारी तसेचअधिकारी दोन दिवसांच्या संपात सहभागी होणार आहेत. महाराष्ट्र राज्यातील सात हजार शाखांतून काम करणारे जवळजवळ तीस हजार बँक कर्मचारी तसेच अधिकारी या संपात सहभागी होणार असून मुंबईसह राज्याची बँकिंग व्यवस्था ठप्प होणार आहे.
कामगार संघटनांनी पुकारलेल्या सार्वजनिक, जुन्या जमान्यातील खाजगी, विदेशी, ग्रामीण तसेच सहकारी बँक यातील कर्मचारी तसेच अधिकारी यांचा सहभाग आहे. संप प्रामुख्याने बँक खाजगीकरणाच्या विरोधात आहे. तसेच बँकातून कायमस्वरूपी लाखो जागा रिकाम्या असताना त्या अस्थायी स्वरूपात कंत्राटी पध्दतीने भरण्यात येत आहेत, आउटसोर्स केल्या जात आहेत. सरकारच्या कामगार विरोधी धोरणांच्या विरोधात देखील हा संप आहे. या संपाच्या निमित्ताने याशिवाय नवीन कर्मचाऱ्यांना महागाई निर्देशांक प्रमाणे महागाई भत्ता या तत्त्वावर जुनी पेन्शन योजना लागू करण्यात यावी ही मागणी देखील या संपाच्या निमित्ताने मांडण्यात येत आहे.
महाराष्ट्र राज्यात सर्व शहरातून बँक कर्मचारी निदर्शने, मोर्चे, धरणे इत्यादी कार्यक्रम संघटित करून सरकारच्या जनविरोधी कामगार विरोधी धोरणांना असलेला आपला विरोध व्यक्त करत आहेत. मुंबई मधील बँक कर्मचारी २८ मार्च रोजी सकाळी साडेदहा वाजता फोर्ट
विभागातील आपापल्या शाखां समोर एकत्र जमून मोर्चाने आझाद मैदानात जमा होतील जेथे संपकरी बँक कर्मचाऱ्यांचा मेळावा सकाळी ११:०० वाजता आयोजित करण्यात आला आहे. तेथे विविध बँकातील कर्मचारी तसेच अधिकारी संघटनांचे नेते मेळाव्याला मार्गदर्शन करतील. याशिवाय २९ मार्च रोजी सकाळी ११:०० वाजता संपकरी कर्मचारी होर्निमन सर्कल, मुंबई येथे एकत्रित जमा होऊन, मानवी साखळी कार्यक्रमात
सहभागी होतील.
