0
0
|
Getting your Trinity Audio player ready...
|
कोल्हापूर/प्रतिनिधी दि. २८ : भारत निवडणूक आयोगाने २७६ कोल्हापूर उत्तर विधानसभेच्या रिक्त असलेल्या जागी पोटनिवडणुकीचा कार्यक्रम जाहीर केला आहे. या अनुषंगाने कोल्हापूर मतदारसंघात दिनांक १२ एप्रिल २०२२ रोजी मतदानाची तारीख निश्चित करण्यात आली आहे. या अन्वये महाराष्ट्र शासनाकडे सोपविलेल्या अधिकाराच्या वापर करून मंगळवार, दि. १२ एप्रिल २०२२ रोजी २७७-कोल्हापूर उत्तर विधानसभा मतदारसंघात मतदान करण्यासाठी सार्वजनिक सुट्टी जाहीर करण्यात आली आहे.
ही सार्वजनिक सुट्टी मतदारसंघाच्या क्षेत्रातील जे मतदार कामासाठी त्या त्या मतदारसंघांच्या बाहेर असतील, त्यांना देखील लागू असेल. त्याचप्रमाणे केंद्र शासनाची शासकीय कार्यालये, निमशासकीय कार्यालये, सार्वजनिक उपक्रम, बँका इत्यादींना ही सार्वजनिक सुट्टी लागू असेल, असे सामान्य प्रशासन विभागाचे उपसचिव यांनी राजपत्राद्वारे जाहीर केले आहे.
