सर्वांवर भार, शरद पवार...एका दगडात मारले अनेक पक्षी, पहा कुणाकुणाला दाखवला ' कात्रज चा घाट ' ?

Getting your Trinity Audio player ready...

Read Time:9 Minute, 12 Second

विशेष वृत्त : शरद गोविंदराव पवार… मुरब्बी पैलवान… कात्रजचा घाट दाखवणारा गेमचेंजर… पवारांनी जेवढी विशेषण लावावी, तेवढी कमीच पडतील.कारण आपल्या राजीनाम्याच्या अस्त्रानं त्यांनी पुन्हा एकदा आपणच ‘द किंग’ असल्याचं सिद्ध केलंय. आपल्या राजीनाम्याच्या घोषणेनं त्यांनी एकाच डावात अनेकांचे मनसुबे उधळून लावलेत.

हल्ली घडामोडींना वेग आलाय, राज्याची सरकार स्थापन करताना तीन पक्षी एकत्र येऊन महाविकास आघाडी तर्फे सरकार स्थापन करण्यात आले, यातून बसलेला भाजपला चपराक,
काही दिवसातच महाविकास आघाडीतून शिवसेना गटाने चाळीस आमदार फुटून वेगळे गट स्थापन करत भाजपची हात मिळवून सरकार स्थापन करण्यात आले….
त्यातून शिवसेना कोणाची वाद विकोपाला जाऊन न्यायप्रविष्ठ असतानाच दुसरीकडे कर्नाटक राज्याची निवडणूक चालू आहे… त्यातूनच सतत चर्चेत असलेले रिफायनरी प्रकल्प विरोध प्रकरण वेग घेत होती, रोजच मीडिया सोशल मीडियाच्या माध्यमातून अनेक घडामोडीच्या गोष्टी कानावर पडता पडता पवारांनी मात्र पक्षप्रमुख राजीनामाची गुगली टाकली….

त्यापैकी सर्वात प्रमुख नाव म्हणजे पवारकाकांचे पुतणे अजित पवार.

अजित पवारांना ब्रेक?
अजित पवार भाजपासोबत जाण्याच्या विचारात असल्याची चर्चा राजकीय वर्तुळात होती. मात्र राजीनाम्याच्या खेळीनं पवारांनी अजित पवारांच्या मनसुब्यांना ब्रेक लावल्याची चर्चा आता रंगलीय. पवारांनी राजीनामा दिल्यानंतर एकट्या अजित पवारांनी त्या निर्णयाचं समर्थन करण्याची भूमिका घेतली होती. मात्र त्याच अजित पवारांना राजीनामा फेटाळण्याच्या निर्णयाला संमती द्यावी लागली.

मोदी-शाहांना शह?
शिवसेनेपाठोपाठ राष्ट्रवादीत फूट पाडण्यासाठी भाजप श्रेष्ठींनी गळ टाकला होता. मात्र पंतप्रधान नरेंद्र मोदी आणि केंद्रीय गृहमंत्री अमित शाहांच्या राजकीय डावपेचांना पवारांनी सुरूंग लावल्याचं मानलं जातंय .महाराष्ट्रात भाजपपुढं शरद पवार नावाचं मोठं आव्हान अजूनही कायम आहे, हेच त्यांनी दाखवून दिल्याची चर्चा आहे.

ठाकरेंवरही ‘रिमोट कंट्रोल’?
महाराष्ट्रात सध्या ठाकरे घराण्याचा नाही, तर पवारांचा रिमोट कंट्रोल चालतो, हे पवारांनी दाखवून दिल्याचं बोललं जातंय. पवारांशी चर्चा करण्यासाठी उद्धव ठाकरेंना मातोश्री वरून सिल्व्हर ओकवर यावं लागतं. आपल्या आत्मचरित्रातही पवारांनी उद्धव ठाकरेंना खडे बोल सुनावले होते.

काँग्रेसवर वचक
सोनिया गांधी आणि राहुल गांधींनी काँग्रेसचं अध्यक्षपद सोडलं आणि ती धुरा मल्लिकार्जुन खरगेंवर सोपवली. मात्र राष्ट्रवादीत आपणच एकमेव पॉवर सेंटर आहोत, हे पवारांनी या घडामोडींमधून दाखवून दिलंय. गांधी ब्रँडपेक्षा पवार हा ब्रँड जास्त खणखणीत असल्याचं यातून समोर येतंय. केवळ राष्ट्रवादीच नव्हे तर महाराष्ट्रातील काँग्रेस नेत्यांवरही यापुढं पवारांचाच वचक असणार, हे आता स्पष्ट झालंय. पवारांच्या राजीनाम्याच्या घोषणेनंतर महाविकास आघाडीच्या वज्रमूठ सभांना लागलेला ब्रेक हे पवारांचं महत्त्व अधोरेखित करतं…

शरद पवारांनी पवारांनी राजीनामा मागे घेतला असला तरी हे सगळं राजकीय नाट्य म्हणजे पवारांचा मास्टरस्ट्रोक असल्याचं बोललं जातंय. पवारांच्या राजीनाम्यानं राष्ट्रवादीतली फूटही टळलीय. शरद पवारांचे राजकीय डावपेच भल्याभल्यांना कळत नाहीत. राजीनामा नाट्यामुळं पुन्हा एकदा त्यावर शिक्कामोर्तब झालंय. एकहाती राजकीय भूकंप घडवण्याची ताकद असलेले पवार एवढे पॉवरफुल का, हेच यातून स्पष्ट होतंय…

त्यांनी एकाच डावात अनेकांचे मनसुबे उधळून लावलेत. त्यापैकी सर्वात प्रमुख नाव म्हणजे पवारकाकांचे पुतणे अजित पवार.

अजित पवारांना ब्रेक?
अजित पवार भाजपा सोबत ( जाण्याच्या विचारात असल्याची चर्चा राजकीय वर्तुळात होती. मात्र राजीनाम्याच्या खेळीनं पवारांनी अजित पवारांच्या मनसुब्यांना ब्रेक लावल्याची चर्चा आता रंगलीय. पवारांनी राजीनामा दिल्यानंतर एकट्या अजित पवारांनी त्या निर्णयाचं समर्थन करण्याची भूमिका घेतली होती. मात्र त्याच अजित पवारांना राजीनामा फेटाळण्याच्या निर्णयाला संमती द्यावी लागली.

ठाकरेंवरही ‘रिमोट कंट्रोल’?
महाराष्ट्रात सध्या ठाकरे घराण्याचा नाही, तर पवारांचा रिमोट कंट्रोल चालतो, हे पवारांनी दाखवून दिल्याचं बोललं जातंय. पवारांशी चर्चा करण्यासाठी उद्धव ठाकरेंना मातोश्रीवरून सिल्व्हर ओकवर यावं लागतं. आपल्या आत्मचरित्रातही पवारांनी उद्धव ठाकरेंना खडे बोल सुनावले होते.