Media Control Online 

राज्यसभेसाठीच्या ६ जागांसाठी होत असलेलं मतदान पूर्ण झालेलं आहे. विधानसभेच्या २८५ सदस्यांनी आपला मतदानाचा अधिकार बजावला आहे. मतदानादरम्यान मुख्यमंत्री उद्धव ठाकरे आणि विरोधी पक्षनेते देवेंद्र फडणवीस विधिमंडळात ठाण मांडून होते. संध्याकाळी ४ वाजताच्या दरम्यान मतदान पूर्ण झाल्यानंतर मुख्यमंत्री उद्धव ठाकरे यांनी प्रसारमाध्यमांशी संवाद साधला. यावेळी राज्यसभेत महाविकास आघाडी ४ जागा जिंकणार का? गुलाल उधळणार का? असा प्रश्न पत्रकारांनी मुख्यमंत्र्यांना विचारला. त्यावर आम्ही गुलाल उधळणार’, असा विश्वास उद्धव ठाकरे यांनी व्यक्त केला.